“Manchester Yunayted”dan navbatdagi g‘alaba. Heylunddan esa rekordlar (video)

Yakshanba kuni Angliya chempionati doirasida “Luton Taun” - “Manchester Yunayted” uchrashuvi bo‘lib o‘tdi.

“Qizil iblislar” hujumchisi Rasmus Heylund dubl qayd etib, jamoasi uchun g‘alabani ta’minladi. Daniyalik futbolchi birinchi golni 37-sekundda kiritdi. Bu “Manchester Yunayted”ning Premyer Liga davridagi eng tez urilgan safardagi goli hisoblanadi. Qolaversa, Heylund “Manchester Yunayted”ning eng tezkor dubliga ham erishdi. Ikkita gol urish uchun hujumchiga 7 daqiqa kifoya qildi. 

21 yoshli hujumchi ketma-ket oltinchi o‘yinda gol urdi va bu natija bilan ham u tarixga kirdi. Heylund Premyer Liga tarixida bunday natijaga erishgan eng yosh futbolchiga aylandi. 

“Luton” – “Manchester Yunayted” 1:2

Gollar: 0:1 – 1 Heylund, 0:2 – 7 Heylund, 1:2 – 14 Morris.

“Luton” – Kaminski, Bell, Osho, Mendji, Dauti (Berri, 82), Barkli, Chong (Klark, 68), Lokonga, Ogbene, Vudrou (Taunsend, 68), Morris.

“Manchester Yunayted” – Onana, Diogu Dalot, Varan, Maguayr (Evans, 46), Shou (Lindelef, 45), Kazemiro (Maktominey, 46), Brunu Fernandesh, Maynu, Garnacho, Reshford, Heylund (Amrabat, 86).

Ogohlantirishlar: Vudrou (17), Shou (20), Kazemiro (34), Maguayr (42), Taunsend (70), Maynu (75), Lindelef (81), Osho (87).