Yakkasaroy tumani hokimligi tarmoqlarda tarqalgan xabar — tumanning Shota Rustaveli ko‘chasida joylashgan madaniy meros agentligi ro‘yxatiga kiritilgan uy buzib tashlanayotgani haqidagi xabarga munosabat bildirdi.
Ta’kidlanishicha, Telegram messenjerida tarqalgan xabar tuman hokimligining qurilish bo‘limi mas’ullari tomonidan joyiga chiqib o‘rganilgan.
Ushbu ko‘p qavatli uy 1956-yilda qurilgan bo‘lib, uyda 12 ta xonadon mavjud. Bu bino O‘zbekiston Respublikasi Madaniy meros agentligi ro‘yxatiga kiritilmagan, — deyiladi hokimlik munosabatida.
Ta’kidlanishicha, ko‘p xonadonli uy buzilib, o‘rniga yangi bino barpo etilishi yuzasidan Toshkent shahar hokimligining qarori qabul qilinmagan.
Shuningdek, mazkur hududda, ya’ni ko‘p xonadonli binoni buzib qayta qurish to‘g‘risida loyiha smeta hujjatlari tasdiqlanmagan. Hokimlik yuqoridagi holat bo‘yicha Yakkasaroy tuman hokimligida asosli hujjat ma’lum emasligini, tilga olingan manzilda hech qanaqa buzilish ishlari olib borilmayotganini ma’lum qiladi, — deydi hokimlik mas’uli Otabek Nasimov.
Izoh (0)