Digital-operator o‘z transport tarmog‘i negizida tadbirkorlik subyektlari uchun statsionar internetga ulanish xizmatlarini rivojlantirmoqda. Tarmoqqa kirish korporativ mijozlarga 100 Mbit/s va undan yuqori tezlikda taqdim etiladi. Bunday xizmatlarni taqdim etish uchun Beeline Uzbekistan mamlakatdagi yirik sanoat obyektlarida yangi baza stansiyalarini barpo etmoqda va optik tolali liniyalarni yotqizmoqda. Shunday harakatlar natijasida O‘zbekistonning chekka hududlarida yangi aloqa kanallari va baza stansiyalari paydo bo‘lmoqda.
Biznes binolarida yangi baza stansiyalarining qurilishi orqali korxonalar va energetika obyektlarida aloqa sifati yaxshilanadi. Bu xodimlarga ichki va tashqi tarmoqda ishlash, monitoring va videokuzatuv tizimlari, videotahlil va katta hajmli maʼlumotlarni uzatish kabi yuqori texnologiyali qurilmalarni ulash imkonini beradi.
— Biz korporativ mijozlarimizga qo‘llash uchun tayyor yechimlarni taklif etamiz. Biz chekka hududlarda baza stansiyalarini quramiz hamda zavod hududida yoki biznes-markazlarda ichki tarmoqlarni yaratamiz. Bizning hamkorimiz xodimlari uchun mobil internet va qo‘ng‘iroq uchun daqiqalarga ega SIM-kartalar bilan bir qatorda, bank filiallaridan tortib masofaviy energetika boshqaruvigacha bo‘lgan xizmatlarning uzluksiz faoliyatini taʼminlovchi 100 Mbit/s dan yuqori tezlikda tezkor, ishonchli internetga ham ega bo‘ladi, — deya taʼkidlaydi Beeline Uzbekistan korporativ savdoni rivojlantirish direktori Dmitriy Fisenko.
Baza stansiyasi resurslari statsionar internetga kirish xizmatlarini qo‘llab-quvvatlaydi, bunda “so‘nggi milya” sifatida optik tolali yoki o‘ralgan juftlik simli ulanish vositasi bo‘lishi mumkin. Kabel yotqizish imkon bo‘lmasa, P2P “nuqtadan nuqtaga” texnologiyasi qo‘llaniladi, bunda aniq yo‘naltirilgan signal “havodan” bitta baza stansiyasidan boshqasiga uzatiladi. Signal uzatish maydoni 25 km gacha yetishi mumkin. Xususan, bu texnologiyadan 2022-yilda Buxoro viloyatida To‘dako‘l ko‘li qirg‘oqlarining birini aloqa bilan ta’minlanish uchun qo‘llanilgan. Beeline Uzbekistan mutaxassislari obyektdan 21 kilometr uzoqlikdagi eng yaqin aloqa baza stansiyasidan bevosita suv yuzasi uzra radiokanal tashkil qilishdi. Mijoz 15 Mbit/s gacha tezlikda barqaror internetga ega bo‘ldi.
Samarqand viloyatida yirik quyosh energetikasi stansiyasi qurilishida ham “nuqtadan nuqtaga” texnologiyasidan foydalanilgan. Qurilish maydonchasidan uch kilometr uzoqlikdagi modernizatsiya qilingan “Tutli” baza stansiyasidan bir nechta simsiz ulanish to‘plamlari yordamida uzluksiz Wi-Fi qamrovi tashkil etildi. 3.5 Ga maydonda 25 Mbit/s internet tezligi nafaqat ish paytida ishchilarni internet bilan ta’minladi, balki masofaviy obyektdan turib ularga do‘st va yaqinlar bilan internet messenjerlari orqali muloqot qilish imkonini berdi.
— O‘zbekistonda iqtisodiy o‘sish, yirik tog‘-kon, metallurgiya va gaz transporti korxonalari qurilishi sharofati bilan chekka hududlarda yuqori sifatli aloqadan foydalanish xizmatlariga talab ortib bormoqda, – deydi Beeline Uzbekistan korporativ savdoni rivojlantirish bo‘yicha direktori Dmitriy Fisenko. — Beeline Uzbekistan konvergent aloqa xizmatlarini ham taklif qiladi. Jumladan, bank sektori uchun digital-operator asosida SIM-kartalardan foydalangan holda to‘lovlarni qabul qilish uchun masofaviy terminallar va yuqori o‘tkazish qobiliyatiga ega kafolatlangan simli maʼlumotlarni uzatish kanallari o‘rtasida ichki tarmoq ishga tushirilishi mumkin bo‘lgan yechim ishlab chiqildi. Bu boshqa afzalliklar bilan bir qatorda, mijozlar va kompaniyalarning maʼlumotlarini himoya qilish imkonini beradi, deydi mijozlarimiz.
2019-2023-yillarda O‘zbekiston Respublikasining Surxondaryo viloyatida yiliga 5 milliard m3 tabiiy gazni qayta ishlash uchun mo‘ljallangan “Boysun” zavodi qurilish maydonchasida Beeline Uzbekistan mutaxassislari tomonidan GSM/UMTS/LTE texnologiyalarini qo‘llab-quvvatlovchi 8 ta baza stansiyasi o‘rnatildi. Bunday harakat 70 gektardan ortiq maydonda joriy etilgan loyihani qo‘ng‘iroqlar va mobil internet bilan taʼminlash imkonini berdi, bu yerda 10 000 dan ziyod xodim va 600 dan ortiq texnika ishlaydi. Hozirgi kunda mobil aloqa qamrovini kengaytirish hamda loyiha doirasida mavjud qamrovni optimizatsiyalash bo‘yicha ishlar davom etmoqda.
Beeline Uzbekistan 5000 km dan ortiq shunga o‘xshash korporativ aloqa kanallarini qurib ulgurgan, shu jumladan, tog‘lar va cho‘llarda ham. Obyektda bir nechta P2P qurilmalari bo‘lishi mumkin va har bir loyiha ishlab chiqish va amalga oshirishning murakkabligi tufayli alohida hisoblab chiqiladi, mavjud loyihalarda ulanish 100 m dan 25 km gacha masofani tashkil etadi. Bugungi kunda Beeline Uzbekistan butun O‘zbekiston bo‘ylab, ham yirik shaharlarda, ham olisda joylashgan hududlarda statsionar internetga ulanish xizmatlarini taqdim etadi.
***
“Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahrida (Niderlandiya) joylashgan VEON xalqaro telekommunikatsiya xoldingi tarkibiga kiradi
VEON 6 jadal rivojlanib borayotgan mamlakatda 160 milliondan ziyod foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.
Beeline Uzbekistan’da 1.6 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSH dollaridan ortiq sarmoya kiritdi. “Unitel” MChJ — O‘zbekistonning yirik soliq to‘lovchi kompaniyalaridan biri. Beeline SB’ning O‘zbekistondagi faoliyati davomida 2 milliard dollarga yaqin soliq to‘langan.
Sayt: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: @beeline-uzbekistan
Reklama huquqi asosida.
Izoh (0)