O‘zbekiston mahsulotlari eksporti nisbatan qimmat bozorlarga yo‘naltirilishi ta’kidlandi.
Bu haqda AOKAda o‘tkazilgan brifingda O‘simliklar karantini va himoyasi agentligi axborot xizmati rahbari Sabina Sadinova ma’lum qildi. Aytilishicha, 2024-yilda qishloq xo‘jaligi mahsulotlari eksporti 3,5 milliard dollarga yetkaziladi. Shundan meva-sabzavot 2,5 milliard dollarga va boshqa oziq-ovqat mahsulot eksportini 1 milliard dollarga yetkazish maqsad qilingan.
Bunda meva eksportini 45 foizga, sabzavotni — 50 foizga, poliz ekinlari eksportini — 36 foizga, uzumni — 2,2 barobarga va dukkakli mahsulotlar eksportini 32 foizga ko‘paytirish uchun choralar ko‘rilmoqda. Shuningdek, mahsulotlar eksport hajmlari nisbatan qimmat bozorlarga yo‘naltiriladi.
Ma’lumot uchun, 80 ta davlatga qishloq xo‘jaligi mahsulotlari eksporti uchun 620 ta fitosanitar ruxsatlar olingan. 2023-yilning o‘zida 12 ta davlatga 23 turdagi mahsulot eksportiga fitosanitar ruxsatlar olindi. Agentlik tomonidan bu yo‘nalishdagi ishlar ham davom ettiriladi.
Izoh (0)