Texas hukumati noqonuniy migrantlar kirib kelishining oldini olish uchun Meksika bilan chegarani mustahkamlash borasidagi sa’y-harakatlarini ikki baravar oshirdi. Bu haqda shtat gubernatori Greg Ebbot ma’lum qildi.
“Biz Texasga noqonuniy kirishni taqiqlovchi chegara hududlarini kengaytirish bo‘yicha sa’y-harakatlarimizni ikki baravar oshirmoqdamiz. Bizga ko‘proq Milliy gvardiya xodimlari va sim to‘siqlar kerak bo‘lyapti”, — deb yozdi u ijtimoiy tarmoqda.
Ebbotning ta’kidlashicha, Texasda noqonuniy immigratsiya darajasi “kamayib bormoqda, Kaliforniya va Arizonada esa ko‘paymoqda”.
Avvalroq AQSH Oliy sudi Ebbotning migrantlar oqimiga qarshi kurashi doirasida o‘rnatgan 30 milyaga tortilgan (taxminan 48 km) simli to‘siqni olib tashlash bo‘yicha qaror chiqargan edi. Sud qarori chegara xizmati xodimlariga chegara bo‘ylab simlarni kesib, olib tashlashga ruxsat beradi.
Texas milliy gvardiyasi federal chegara patrul xizmati xodimlarining Rio-Grande daryosi bo‘ylab Meksika bilan chegaraning taxminan 4 kilometrlik qismiga kirishini to‘sib qo‘ydi. Shtat rasmiylari AQSH ma’muriyati chegarani to‘g‘ri qo‘riqlamayotgani, bu esa noqonuniy migrantlarning ko‘payishiga olib kelayotganini bir necha bor ta’kidlagan.
Texas chegaradagi migrantlarni Amerikaning yirik shaharlariga, jumladan, Vashington, Nyu-York va Chikagoga avtobuslarda jo‘natishni boshladi.
Izoh (0)