Toshkent shahar Chilonzor tumanida Yutong va King Long rusumli avtobuslar ishtirokida yo‘l-transport hodisasi sodir bo‘ldi, deb xabar beradi “Toshshahartransxizmat”.
Ma’lum qilinishicha, 9-fevral kuni soat 08:30 larda “12-Avtobus saroyi” filiali tasarrufidagi King Long rusumli 131-sonli avtobus haydovchisi X.D. “Chilonzor” metrosi bekatiga to‘xtayotgan bo‘lgan. Biroq u bekatda to‘xtab, yo‘lovchi tushirayotgan “5-Avtobus saroyi” filiali tasarrufidagi Yutong rusumli 99-sonli avtobus (haydovchi T.B.) bilan yonlama oraliq masofani saqlamay olmagan.
Oqibatda 131-sonli avtobusning o‘rta bo‘g‘in qismi oynasi hamda 99-sonli avtobusning chap tomon orqani ko‘rish oynasining korpus qismi bilan bir-biriga tegib, yengil shikastlangan. Sodir etilgan to‘qnashuvda tan jarohati olganlar yo‘q. Dastlabki surishtiruv natijalariga ko‘ra, yo‘l-transport hodisasi 99-sonli avtobus haydovchisi T.B. aybi bilan sodir etilgan.
Hozirda mazkur yo‘l-transport hodisasi Toshkent shahar Ichki ishlar bosh boshqarmasi Yo‘l harakati xavfsizligi boshqarmasi xodimlari tomonidan o‘rnatilgan tartibda rasmiylashtirilgan.
Avvalroq Toshkent shahar Yashnobod tumanida ham ikki avtobus ishtirokida YTH yuz bergandi. 2023-yil ma’lumotlariga ko‘ra, o‘tgan yilning 11 oyida poytaxtda avtobuslar ishtirokida 94 ta YTH sodir bo‘lgan.
Izoh (0)