Chili sobiq prezidenti Sebastyan Pinyera 74 yoshida aviahalokatda vafot etdi. Bu haqda La Nakion nashri xabar berdi.
Chili matbuotiga ko‘ra, vertolyot Los-Rios hududidagi Ranko ko‘liga qulab tushgan. Mamlakat Ichki ishlar vazirligi Pinyeraga tegishli vertolyot qulaganidan keyin uch kishi tirik qolganini xabar qilmoqda. Ularning o‘zi qirg‘oqqa chiqishga muvaffaq bo‘lishgan. Omon qolganlar orasida sobiq prezidentning qarindoshi ham bor.
Sobiq davlat rahbari tadbirkor Xose Koksa bilan tushlikka ketayotgan edi, deb yozadi La Tercera gazetasi.
Chilining 24 Horas kanaliga ko‘ra, Pinyera vertolyotlarni boshqarish guvohnomasini endigina yangilagan va aviatexnikani o‘zi boshqarayotgan edi, vertolyot halokatga uchragach, u xavfsizlik kamarini yecha olmay, cho‘kib ketgan. Uning jasadi taxminan 40 metr chuqurlikdan topilgan. Hodisa sabablari o‘rganilmoqda.
Sebastyan Pinyera ikki marta Chili prezidenti lavozimida ishlagan: 2010-yildan 2014-yilgacha va 2018-yildan 2022-yilgacha.
Izoh (0)