RGCA tadqiqotiga ko‘ra, Uzum Market nafaqat onlayn xarid qilish servislari orasida mashhur brendlardan biriga aylandi, balki so‘nggi yillarning yetakchilari — Telegram va Instagram ni foydalanish chastotasi bo‘yicha ham ortda qoldirdi.
RGCA tadqiqotida 800 dan ortiq o‘zbekistonlik ishtirok etdi va so‘rov butun mamlakat aholisini aks ettiradigan holda tuzilgan.
Shunday qilib, so‘ralganlarning 98 foizi Uzum Market ni onlayn xarid qilish servislari orasida nomladi, OLX ni tanlaganlar esa 69 foizini tashkil etdi va yetakchi uchlikni Telegram 65 foiz ishtirokchilar ovozi bilan yopdi.
Shuningdek, ro‘yxatda Instagram (60%), Texnomart (43%) va Aliexpress (40%) ham bor edi. Xarid qilish uchun ko‘p ishlatiladigan servislar reytingida birinchi uchlikni Telegram (14%) va Instagram (10%) dan katta farq bilan Uzum Market (53%) egalladi.
Shu bilan birga, milliy marketpleysni 18-24 yoshdagi erkaklar faol ravishda o‘zlashtirmoqda — ushbu toifadagi respondentlarning har biri so‘nggi oyda Uzum Market da xarid qilgan. Faol onlayn xaridorlar esa Samarqand, Buxoro va Namangan shaharlarida yashavchilar bo‘lib chiqdi — ushbu shaharlardan so‘ralganlarning 10 tasidan 6 nafari Uzum Market da buyurtma bergan.
“Biz onlayn xarid qilish uchun ixtisoslashgan servislarning mashhurligi oshib borayotganini ko‘rmoqdamiz. Buyurtma tarqatish punktlarining keng tarmog‘ining mavjudligi, yetkazib berish tezligi bilan bir qatorda o‘zbekistonliklarning xarid qilish platformasini tanlashda ahamiyatga ega asosiy omillardan biriga aylandi — bu yerda ham Telegram, ham Instagram do‘konlari Uzum Market va uning ulkan logistika infratuzilmasidan ortda qolmoqda. Aytish joizki, narxlarni taqqoslash va biror narsa noto‘g‘ri bo‘lsa, mahsulotni qaytarib berish imkoniyati o‘z-o‘zidan onlayn xarid qilish oldidagi to‘siqlarni yengib o‘tishga yordam beradi va ilgari mahsulotlarga onlayn buyurtma berishdan qochgan auditoriyani jalb qiladi, — deydi RGCA rahbari Vyacheslav Karpov. — Bu yerda sarafan radiosi ham muhim rol o‘ynaydi — so‘rovda qatnashgan 10 kishidan 7 nafari Uzum Market ni oila va do‘stlariga tavsiya etishga tayyor, Telegram shopingda esa bu ko‘rsatkich atigi 27 foizni tashkil etdi”.
Kompaniya haqida.
Research Group Central Asia 2022-yil boshida isteʼmolchi tadqiqotlari bozorida to‘liq xizmat ko‘rsatuvchi agentlik sifatida tashkil etilgan. RGCA — bu birinchi navbatda, tadqiqot loyihalarini amalga oshirishda katta tajribaga ega bo‘lgan mutaxassislardir. Kompaniya miqdoriy va sifatli tadqiqotlarning to‘liq spektrini olib boradi, IPSOS xalqaro operatorining rasmiy akkreditatsiyadan o‘tgan agentligi, shuningdek “Romir” tadqiqot xoldingining litsenziati hisoblanadi.
Sheriklik huquqi asosida.
Izoh (0)