“O‘qituvchilar almashinuvi Koreya—O‘zbekiston 2024” loyihasi uchun pedagoglar tanlab olinadi, deb xabar bermoqda Maktabgacha va maktab ta’limi vazirligi axborot xizmati.
![](/static/2024/02/06/ayolish-T0GSu22j.jpg)
Unga ko‘ra, mazkur loyihada ishtirok etish uchun oliy ma’lumotli hamda ta’lim muassasasida koreys tilidan dars beruvchi o‘qituvchilar ariza topshirishi mumkin. Loyiha bo‘yicha 5 nafar o‘qituvchi tanlab olinadi. Ular Koreyada 2024-yilning 1-martidan 2025-yilning 28-fevraliga qadar faoliyat yuritadi. Nomzodlar uchun talablar:
- O‘zbekiston fuqarosi bo‘lishi;
- Ta’lim muassasalarida o‘qituvchi bo‘lib faoliyat yuritishi;
- Koreys tilini yaxshi bilishi;
- Koreys tilidan (TOPIK) sertifikatiga, Ta’lim markazi yoki King Sejong institutida koreys tili kurslarini tamomlaganlik sertifikatlari va boshqa sertifikatlarga ega bo‘lishi;
- Oldingi ish joyiga qaytgandan keyin kamida 4 yil ishlashi (majburiy);
- Koreya vizasini olishda cheklovlar bo‘lmagan shaxslar bo‘lishi kerak.
G‘oliblarga ikki tomonlama aviachiptalar, har oylik maosh, turar joy va tibbiy xizmat to‘lovlari to‘lab beriladi. Hujjatlarni kectash@gmail.com elektron pochtasiga yuborish so‘ralgan.