O‘zbekistonlik bokschi Bahodir Jalolov 18-may kuni Ar-Riyodda ringga ko‘tariladi.
Jalolov 17-fevral sanasiga belgilangan Fyuri-Usik kardida jang qilishi kerak edi.
Biroq, Tayson Fyurining jarohat olishi natijasida turnir 18-may sanasiga ko‘chirilgandi.
Ma’lum bo‘lishicha, Bahodir Jalolovning Ar-Riyodda jang qilishi o‘zgarishsiz qoldirilgan. Shu tariqa Bahodir may oyida ringga ko‘tariladi. Unga chernogoriyalik Dilan Prashovich raqiblik qiladi.
Eslatib o‘tamiz, Bahodir so‘nggi bor 17-noyabr kuni “Humo Arena”da bo‘lib o‘tgan boks oqshomida Kris Tompsonga qarshi ringga ko‘tarilib, 1-raunddayoq nokaut evaziga g‘alaba qozongandi.
Chernogoriyalik bokschi esa professional faoliyati davomida 20 ta jangda ishtirok etib, 17 tasida g‘alaba qozongan va yana 3 ta jangda mag‘lub bo‘lgan. 14 ta jangni u muddatidan oldin yakunlagan.
Izoh (0)