Termizda 8 tonnadan yuqori bo‘lgan transport vositalarining harakati cheklandi. Bu haqda Surxondaryo viloyati Yo‘l harakati xavfsizligi boshqarmasi axborot xizmati xabar berdi.
Maʼlum qilinishicha, Xalq deputatlari Surxondaryo viloyati Kengashining 2023-yil 22-dekabr kunidagi qarori bilan, endilikda Termiz shahrida yirik hajmli va og‘ir vaznli (yuk ko‘tarish qobiliyati 8 tonnadan yuqori bo‘lgan) transport vositalarining harakati cheklandi.
“Bunda harakatlanish alohida hollarda Termiz shahar hokimligi, “Surxondaryoavtoyo‘l” hududiy yo‘llardan foydalanish tashkiloti va viloyat Yo‘l harakati xavfsizligi boshqarmasi bilan o‘zaro tasdiqlangan kelishuv (sxema) orqali amalga oshirilishi belgilandi”, - deyiladi xabarda.
Izoh (0)