Olmaota–Toshkent trassasida 26 ta mashina to‘qnashdi (video)

Olmaota-Toshkent-Termiz avtomobil yo‘lining yopiq qismida 26 ta mashina ishtirokida yirik YTH sodir bo‘ldi. Bu haqda Liter.kz xabar berdi.

Jambil viloyati IIB matbuot xizmati xabariga ko‘ra, noqulay ob-havo sharoiti (yer muzlashi, ko‘rish imkoniyati cheklanishi, qor bo‘roni) tufayli 26 ta transport vositasi – 4 ta yo‘lovchi avtobusi, 4 ta yuk mashinasi va 18 ta yengil avtomobil to‘qnashib ketgan.

Hodisa oqibatida 26 nafar fuqaro B. Momishuli qishlog‘ining tuman markaziy kasalxonasiga yotqizilgan, ulardan to‘rt nafari reanimatsiyada, ahvoli og‘ir deb baholanmoqda. Ahvoli og‘ir bo‘lgan 1 nafar bemor reanimatsiya bo‘limidan tez tibbiy yordam mashinasida viloyat markaziga yetkazilgan. Halok bo‘lganlar yo‘q.

“Favqulodda xizmatlar mashinada qolgan odamlarni qutqarish ishlarini olib bormoqda. Qurbonlar yo‘q. Temiryo‘llar vazirligi, tez tibbiy yordam va patrul xizmatlari voqea joyida ishlamoqda. Nurlikent qishlog‘idagi Madaniyat uyining isinish punktiga 39 nafar fuqaro olib kelingan, ulardan sakkiz nafari bolalar”, — deb xabar berdi Jambil viloyati Favqulodda vaziyatlar boshqarmasi.