O‘zbek shou-biznesidagi taniqli xonandalarning poytaxt to‘ylaridagi birrov xizmati narxini bitta maqolaga sig‘dirish mushkul bo‘lgani uchun ushbu mavzuni davom ettiramiz.
Sardor Mamadaliyev
Taniqli xonanda Sardor Mamadaliyevni poytaxt to‘ylariga chaqirish 500 dollarga tushadi. Buning uchun xonandaga to‘ydan uch kun oldin qo‘ng‘iroq qilib aytib qo‘yish kerak.
Zohirshoh Jo‘rayev
O‘zbekiston xalq artisti, marhum hofiz Sherali Jo‘rayevning ikkinchi o‘g‘li Zohirshoh poytaxt to‘ylariga 600 dollarga keladi.
Jenisbek Piyazov
Opera ixlosmandlarining sevimli xonandasi Jenisbek Piyazovning “birrov” xizmati bahosi — 600 dollar.
Botir Qodirov
Botir Qodirovni tantanangizga chorlamoqchi bo‘lsangiz 800 dollar tayyorlab qo‘ying.
Asilbek Amanulloh
Asilbek Amanulloh sozandalari bilan vodiydan kelishini hisobga olgan holda birrov xizmatini 1000 dollarga baholaydi.
Shohjahon Jo‘rayev
Marhum hofiz Sherali Jo‘rayevning to‘ng‘ichi Shohjahon Toshkentda o‘tkaziladigan to‘yga 1000 dollarga keladi.
Rustam G‘oipov
Ko‘plab xit taronalar ijrochisi Rustam G‘oipovning Toshkent to‘ylaridagi birrov xizmati roppa-rosa 1 soat davom etadi. Uning sozandalari bilan to‘yga kelishi 5000 dollarga tushadi.
Mister Qaha
Mister Qaha taxallusi bilan ijod qiluvchi xonanda Qahramon To‘xtasinov to‘yingiz kuni Toshkentda bo‘lsa 300 dollar evaziga birrov xizmat qilib beradi. Mabodo, xonanda vodiydan kelgudek bo‘lsa u holda 600 dollar to‘lash kerak bo‘ladi.
Izoh (0)