Surxondaryoning Sherobod tumanida qurilayotgan quyosh elektr stansiyasidagi panellarga kuchli shamol tufayli zarar yetgani aks etgan video ijtimoiy tarmoqlarda tarqaldi. Holatga tuman hokimligi munosabat bildirdi.
Unda aytilishicha, 30-yanvar kuni tarqalgan videodagi holat 28-yanvar kuni sodir bo‘lgan. Qurilish jarayonida hali to‘liq o‘rnatilmagan 91 dona quyosh panellari shamol tufayli yerga tushib ketgan. Hozirda ushbu quyosh panellarining texnik holati o‘rganilmoqda.
Energetika vazirligi matbuot xizmatining bildirishicha, loyiha doirasida 1 millionga yaqin quyosh panellari o‘rnatilishi ko‘zda tutilgan. Qurilish jarayoniga ikki mingdan ortiq mahalliy aholi jalb qilingan.
Qurilish jarayonida quyosh panellarining yaroqsiz holatga kelishi mumkinligi eʼtiborga olingan bo‘lib, qo‘shimcha quyosh panellari zaxira sifatida olib kelingan.
Mazkur loyiha BAAning Masdar kompaniyasi tomonidan 100 foiz xorijiy investitsiyalar hisobiga amalga oshirilmoqda va unga O‘zbekiston tomonidan hech qanday mablag‘ ajratilmagan.
Izoh (0)