Futbol bo‘yicha O‘zbekiston terma jamoasi Osiyo Kubogi 1/8 final bosqichida Tailandga qarshi bo‘ladi. Uchrashuv 30-yanvar kuni bo‘lib o‘tadi.
O‘yin oldidan O‘zbekiston terma jamoasi bosh murabbiyi Srechko Katanes ishtirokida matbuot anjumani bo‘lib o‘tdi.
Uchrashuvga qadar 7 kun vaqtimiz bor edi. Biz tayyormiz. Barchasini endi maydonda ko‘ramiz.
Ertangi natija barchasini ko‘rsatadi. Jarohatlarga kelsak, bizga bu muddat hech qanday yordam bermadi. Jarohatlangan futbolchilarimiz uzoq muddatga safdan chiqqan.
Tailand hali gol o‘tkazmadi. Yaxshi shakllangan jamoa. Himoyadan hujumga tez o‘tadi. Tailandga qarshi o‘ynayotganimiz omad emas. Ha, ba'zi muhim o‘yinchilarni yo‘qotdik. Hozir ham yaxshi o‘yinchilarimiz safda, ular ertaga jamoaga kerakli natijani qayd etishda yordam beradi.
Srechko Katanes, O‘zbekiston terma jamoasi bosh murabbiyi
Matbuot anjumani videosini bu yerdan ko‘rish mumkin.
Eslatib o‘tamiz, O‘zbekiston va Tailand o‘rtasidagi uchrashuv 30-yanvar kuni 16:30 da start oladi.
Izoh (0)