Futbol bo‘yicha O‘zbekiston terma jamoasi Osiyo Kubogi 1/8 final bosqichida Tailandga qarshi bo‘ladi. Uchrashuv 30-yanvar kuni bo‘lib o‘tadi.
O‘yin oldidan O‘zbekiston terma jamoasi futbolchisi Odiljon Hamrobekov o‘z fikrlarini bildirib o‘tdi.
Turnir qiziq pallasiga kirdi. Ushbu bosqichga chiqqan barcha jamoani tabriklayman. Ertaga bizni juda tartibli jamoaga qarshi o‘yin kutib turibdi. Murabbiy aytganidek, biz ham bu o‘yinga tayyormiz.
Biz birinchi o‘rinda Tailandga qarshi o‘yin haqida o‘ylayapmiz. Undan keyingi raqib kim bo‘lishi noaniq. Kechagi o‘yin (Tojikiston—BAA) buni ko‘rsatyaptiki, bitta o‘yinda istalgan jamoa o‘zi xohlagan natijaga erisha oladi. Juda ko‘pchilik BAAni favorit deyishgandi, lekin buni aksi bo‘ldi. Tojikistonni bu natijasi bilan tabriklayman.
Biz ham oldimizga maksimal darajada yaxshi natijaga erishishni qo‘yganmiz.
Jarohatlari jiddiy bo‘lgan futbolchilarimiz klubiga qaytdi. Hozir jamoa bazasida bo‘lib turgan jarohatlangan futbolchilarning tuzalish ehtimoli bor. Shifokorlar ular bilan ishlayapti. Ularning biz bilan birga bo‘lib turgani o‘ziga ham bizga ham ruhiy jihatdan foydali.
Tailand hali musobaqada gol o‘tkazib yubormadi. Shuning o‘zi aytib turibdiki, ular tartibli jamoa. Jismoniy holat bo‘yicha bizda muammo yo‘q.
Odiljon Hamrobekov, O‘zbekiston terma jamoasi futbolchisi
Eslatib o‘tamiz, O‘zbekiston va Tailand o‘rtasidagi uchrashuv 30-yanvar kuni 16:30 da start oladi.
Izoh (0)