Mashhur Pizza Hut tarmog‘i o‘ziga xos taomni taqdim qildi. Kotteri-fuu Ramen pizza — ramenli pitssa hisoblanadi.
Noodatiy pitssa tarkibiga oddiy xamir, cho‘chqa go‘shti, barra piyoz, pishloq, sabzavotlar, bug‘doy unidan tayyorlangan qarsildoq lapsha va yaponlar ko‘pincha ramenga qo‘shadigan maxsus sous kiradi. Pitssa tarmog‘ining maʼlum qilishicha, bu taom Yaponiyaning ramen taomi mashhur Tenkaippin tarmog‘i bilan hamkorlikda tayyorlangan.
Ramen pitssasi allaqachon ijtimoiy tarmoqlarda omma eʼtiboriga tushdi. Pizza Hut brendi o‘z internet sahifalarida “Tasavvur qilganingizdan ham yaxshiroq” shiori bilan post qoldirdi. Post X (Twitter) tarmog‘ida tez fursatda minglab ko‘rishlar va layklar to‘pladi.
Pitssaning narxi 13,5 dollarni tashkil qiladi va bunday pitssani faqatgina Pizza Hut tarmoqlaridan 2024-yilning 12-fevral kunigacha buyurtma qilish mumkin.
Izoh (0)