Sudyalar oliy kengashining sudyalik lavozimlariga tanlash va tayinlashga doir ochiq tanlov shaklidagi navbatdagi yig‘ilishi bo‘lib o‘tdi. Bu haqda kengash matbuot xizmati xabar berdi.
Qayd etilishicha, yig‘ilishda vakolat muddati yakuniga yetgan sudyalarni ushbu lavozimda bo‘lishning navbatdagi muddatiga, ayrim sudyalarni muqobillik asosida vakolati muddati davriga qayta tayinlashga oid masalalar muhokama qilinib, tegishli qarorlar qabul qilingan.
Sudyalar oliy kengashi qarori bilan:
Ilhom Yuldashev – sudyalik vakolati muddati davriga Buxoro viloyati Buxoro tumanlararo iqtisodiy sudining raisi lavozimiga qayta tayinlandi va shu munosabat bilan Buxoro viloyat sudining iqtisodiy ishlar bo‘yicha sudyasi lavozimidan ozod qilindi;
- Hasan Mamarasulov – sudyalik vakolati muddati davrining besh yil muddatiga Jizzax viloyati Forish tuman iqtisodiy sudining raisi lavozimiga qayta tayinlandi va shu munosabat bilan Sirdaryo viloyat sudining iqtisodiy ishlar bo‘yicha sudyasi lavozimidan ozod qilindi;
- G‘ulomjon Kushiyev – sudyalik vakolati muddati davrining besh yil muddatiga Xorazm viloyati Urganch tumanlararo maʼmuriy sudining raisi lavozimiga qayta tayinlandi va shu munosabat bilan Navoiy viloyat maʼmuriy sudining sudyasi lavozimidan ozod qilindi;
- Aziz Buriyev – sudyalik vakolati muddati davriga Toshkent shahar fuqarolik ishlari bo‘yicha Yakkasaroy tumanlararo sudining sudyasi lavozimiga qayta tayinlandi va shu munosabat bilan Toshkent viloyati fuqarolik ishlari bo‘yicha Chirchiq tumanlararo sudining sudyasi lavozimidan ozod qilindi.
- Muzafar Hakimov — sudyalik vakolati muddati davriga Samarqand viloyati jinoyat ishlari bo‘yicha Payariq tuman sudining sudyasi lavozimiga tayinlandi.
Shuningdek, vakolat muddati yakuniga yetgan:
- Dilshod Soatov – sudyalik lavozimida bo‘lishning navbatdagi o‘n yillik muddatiga Namangan viloyati Chust tumanlararo iqtisodiy sudining sudyasi lavozimiga;
- Dilmurod Ochilov – sudyalik lavozimida bo‘lishning navbatdagi o‘n yillik muddatiga Navoiy viloyat maʼmuriy sudining sudyasi lavozimiga;
- Sardorbek Matniyazov – sudyalik lavozimida bo‘lishning navbatdagi o‘n yillik muddatiga Toshkent shahar maʼmuriy sudining sudyasi lavozimiga;
- Abdusaid Xojiyev – sudyalik lavozimida bo‘lishning navbatdagi o‘n yillik muddatiga Toshkent shahar maʼmuriy sudining sudyasi lavozimiga;
- Abror Qudratov – sudyalik lavozimida bo‘lishning navbatdagi o‘n yillik muddatiga Sirdaryo viloyati Guliston tumanlararo maʼmuriy sudining sudyasi lavozimiga;
- Feruza Mo‘minova – sudyalik lavozimida bo‘lishning navbatdagi o‘n yillik muddatiga Toshkent viloyati fuqarolik ishlari bo‘yicha Ohangaron tumanlararo sudining sudyasi lavozimiga;
- Latofat Mahammadiyeva – sudyalik lavozimida bo‘lishning navbatdagi o‘n yillik muddatiga Qashqadaryo viloyati fuqarolik ishlari bo‘yicha Qarshi tumanlararo sudining sudyasi lavozimiga;
- Majid Nabiyev – sudyalik lavozimida bo‘lishning navbatdagi o‘n yillik, shundan besh yil muddatga Toshkent viloyati Bekobod tumanlararo iqtisodiy sudining raisi lavozimiga;
- Tolmas Jabbarov – sudyalik lavozimida bo‘lishning navbatdagi o‘n yillik muddatiga Surxondaryo viloyati Sherobod tumanlararo iqtisodiy sudining sudyasi lavozimiga tayinlandi.
Bundan tashqari:
- Rustam Hoshimov – sudyalik lavozimida bo‘lishning besh yillik muddatiga Toshkent viloyati fuqarolik ishlari bo‘yicha Chirchiq tumanlararo sudining sudyasi lavozimiga;
- Bolat Sultonov – sudyalik lavozimida bo‘lishning besh yillik muddatiga Toshkent viloyati jinoyat ishlari bo‘yicha Zangiota tuman sudining sudyasi lavozimiga tayinlandi.
O‘zbekiston prezidentining tegishli farmoyishiga muvofiq, beshta viloyat sudlarining raislari o‘zgargandi. Bundan oldin O‘zbekistonda 6 nafar sudya lavozimida o‘zgarish ro‘y bergani, Qashqadaryoda fuqaro nogironlik nafaqasini ololmay qolganiga sabab bo‘lgan sudyaga chora ko‘rilgani, Sudyalar oliy kengashida bir qator yangi tayinlovlar amalga oshirilgani to‘g‘risida xabar berilgandi.
Izoh (0)