Tinch okeanida Amerika harbiy bazasi joylashgan orolni suv bosdi (video)

Tinch okeanida joylashgan Marshall orollaridagi AQSH harbiy bazasi suv ostida qoldi, deb xabar bermoqda CNN AQSH armiyasi hisoboti va ijtimoiy tarmoqlardagi videoga tayanib.

Armiya hisobotida aytilishicha, orol infratuzilmasi jiddiy zarar ko‘rgan va uni tiklash uchun oylab vaqt kerak bo‘ladi. Voqea 20-yanvar kuni sodir bo‘lgan, deb ta’kidlaydi telekanal.

Kechki soat 21:00 atrofida Roi-Namur oroliga bir metr balandlikdagi to‘lqinlar kelib urilgan. Oqibatda bir kishi jarohatlangan. CNN maʼlumotlariga ko‘ra, suv toshqini turar joy majmuasi, avtomobil majmuasi, teatr va cherkovga ham zarar yetkazgan.

Kvajaleyn atoll Garnizoni (USAG-KT) qo‘mondoni “kutilmagan ulkan to‘lqinlar” orolning shimoliy nuqtasini yuvib, zarar keltirganini aytdi. CNN hisobotda harbiy bazani suv bosgani haqida hech qanday ma’lumot yo‘q, biroq ijtimoiy tarmoqlardagi ko‘plab video va fotosuratlar buning aksini ko‘rsatmoqda.

Kvajaleyn atollida o‘rtacha 1 300 ga yaqin amerikaliklar yashaydi va ishlaydi.