Moskva shahar sudi Federal xavfsizlik xizmati sobiq ofitseri Igor Strelkovni (Girkin) “ekstremizmga da’vat”da ayblab, to‘rt yilga ozodlikdan mahrum qildi. Bu haqda Mediazona sud zalidan xabar berdi.
Shuningdek, Strelkovga uch yil davomida veb-saytlarni boshqarish taqiqlangan. Rossiya prokuraturasi Strelkovni 4 yilu 11 oyga ozodlikdan mahrum qilishni so‘ragan. Unga qo‘yilgan modda bo‘yicha eng ko‘p jazo besh yillik qamoqdir.
Strelkovga qarshi jinoiy ish 2023-yil iyul oyida qo‘zg‘atilgan. Bunga telegram kanalida noqonuniy anneksiya qilingan Qrim va o‘z o‘zini mustaqil deb e’lon qilgan DXR harbiy xizmatchilariga to‘lovlar to‘g‘risidagi ikkita post sabab bo‘lgan. Avvalroq Girkin Rossiya prezidentligiga nomzodini qo‘ymoqchi ekanini ma’lum qilgandi, endilikda unga nisbatan qo‘llanilgan qamoq jazosi bunga yo‘l qo‘ymaydi.
- Strelkov avvalroq xalqaro Gaaga sudi tomonidan 2014-yilda 298 kishining o‘limiga sabab bo‘lgan Malasia Airlines MH17 reysiga uyushtirilgan hujumda ishtirok etgani uchun sirtdan umrbod qamoq jazosiga hukm qilingan edi. Girkin 2014-yilda o‘zini o‘zi mustaqil deb e’lon qilgan Donetsk xalq respublikasi (DXR) qo‘shinlariga rahbarlik qilgan.
Izoh (0)