Dunyoning eng boy odami, SpaceX kompaniyasi asoschisi Ilon Mask bo‘lajak prezidentlik saylovlarida AQSHning amaldagi prezidenti Jo Baydenga ovoz berishni rejalashtirmayotganini aytdi.
Tadbirkor X (sobiq Twitter) ijtimoiy tarmog‘ida Oq uyning amaldagi egasini qo‘llab-quvvatlashni istamasligi haqida yozgan.
Milliarder o‘zining CNBC telekanaliga bergan intervyusiga bag‘ishlangan post ostida tegishli izohni e’lon qildi. Jurnalistlar bilan suhbat chog‘ida Mask 2020-yilgi saylovlarda Baydenga ovoz berganini tan oldi.
“Bu safar Baydenga ovoz berishimni tasavvur qila olmayman”, dedi tadbirkor.
AQSHda prezidentlik saylovi 2024-yil 5-noyabrga belgilangan. Donald Tramp mazkur saylovda Respublikachilar partiyasidan nomzodini ilgari surgan. Unga amaldagi davlat rahbari Jo Bayden raqobatchi bo‘lishi kutilmoqda.
Izoh (0)