Yevropa Ittifoqi Yaqin Sharqdagi mojaroni har tomonlama hal etish rejasini ishlab chiqdi.
Bu haqda Yevroittifoq tashqi siyosat xizmati tomonidan tayyorlangan hujjat loyihasiga tayanib, Euractiv portali xabar bermoqda.
Mavjud vaziyatni hisobga olgan holda, aniq qiyinchiliklar va noaniqliklarga qaramay, keng qamrovli tinchlikka tayyorgarlik ko‘rish vaqti keldi, — deyiladi hujjatda.
10 banddan iborat rejada G‘azo sektorida oxir-oqibat tinchlik o‘rnatish, mustaqil Falastin davlatini yaratish va mintaqada uzoq muddatli xavfsizlikni kafolatlash mumkin bo‘lgan bir necha qadamlar belgilangan.
22-yanvar kuni Bryusselda bo‘lib o‘tadigan tashqi ishlar vazirlarining uchrashuvida Yaqin Sharqdagi mojaro asosiy mavzulardan biri bo‘lishi kutilmoqda. Ushbu uchrashuvda Yevropa Ittifoqining 27 davlati Tashqi ishlar vazirlari Isroil va Falastindan kelgan hamkasblari bilan muzokaralar olib boradi.
Izoh (0)