“Mehridaryo” loyihasiga Qashqadaryo viloyati Dehqonobod tumanida yashovchi Abdulvahob Narmamatovning tog‘asi murojaat qilib, jiyanini davolash uchun xalqdan yordam so‘radi.
— Jiyanim 1993-yilda dunyoga kelgan. Opamning ikki o‘g‘il farzandini o‘zi ulg‘aytirdi. Jiyanim Qashqadaryodagi kaliy zavodida payvandchi bo‘lib ishlardi. U oilasini boqish uchun 300 metr chuqurlikda ishlab, ro‘zg‘orini tebratayotgandi. Afsuski, bir oy avval birdan tobi qochdi. Avvaliga Qashqadaryoning o‘zida davolatishga harakat qildik. Kasalligi yanada, zo‘rayganidan keyin Toshkentga yo‘llanma berishdi. Hozir jiyanimda oqqon va limfa saratoni kasalligi aniqlangan. Bir necha kundan beri gemotologiya kasalxonasining jonlantirish bo‘limida davolanyapti. Shifokorlar tezda kimyo terapiya muolajalarini boshlamasa, ahvoli yanada og‘irlashishi mumkinligini aytdi.
Uning uchta yosh bolasi bor, ukasi hali talaba. Jiyanimning o‘zi ukasini o‘qitib, ro‘zg‘orini tebratib kelayotgandi. Bu kasallikning dori-darmonlari qimmat ekan, qarindosh-urug‘lar bilan uni davolatishga harakat qilyapmiz. Ammo qo‘limiz kaltalik qilyapti. Shu bois xalqdan yordam so‘rashga majbur bo‘ldik. Yaxshi insonlar jiyanimni davolatishimizga yordam beringlar. U endigina 31 yoshni qarshilagan, bolalari ham juda yosh, — deydi bemorning tog‘asi.
Abdulvahob Narmamatovga xayriya qilishni istasangiz,
5614 6816 0600 8948 (Narmamatov Abdulvahob)
Murojaat uchun: +99833 676-45-10
Izoh (0)