“O‘zsanoatqurilishmateriallari” uyushmasida “Respublika qurilish materiallari sanoatining 2023-yil tahlili va sohadagi o‘zgarishlar” mavzusida matbuot anjumani bo‘lib o‘tdi.
Tadbirda atrof tabiiy muhitga taʼsir qilish xavfi yuqori bo‘lgan xo‘jalik subyektlarining atrof-muhitga bo‘lgan taʼsiri monitoringini kuchaytirish, mazkur soha takomillashtirilishi va raqamlashtirilishi bo‘yicha bir qator qarorlar qabul qilingani va bugungi kunda ularning ijrosi taʼminlayotgani haqida to‘xtalib o‘tildi.
Maʼlum qilinishicha, belgilangan “Tarmoq jadvali” asosida ishlab chiqaruvchi korxonalarning 10 tasida avtomatik stansiya o‘rnatilgan. Sement zavodlaridan atmosfera havosiga tashlanayotgan changlarni kamaytirish va sanitariya meʼyorida bo‘lishini taʼminlashda siklonli filtr, elektrofiltr va boshqa turdagi texnologik chang-gazlar tozalovchi qurilmalar qo‘llaniladi. Bu qurilmalar changning umumiy miqdorini 75 foizdan 99 foizgacha tozalash samaradorligiga ega.
Izoh (0)