Sariq bola taxallusi bilan tanilgan bloger va tadbirkor Jahongir Xo‘jayev adashi Jahongir Latipovga bergan intervyusida qimmatbaho mashinasi, bizneslari va hozirgi kunda qancha pul topayotgani haqida so‘zlab berdi.
120 ming dollarlik Mercedes
— CLS 300 avtomobilini 120 ming dollarga xarid qildim. Birinchi mashinam Mercedes bo‘lgan. Juda qiynalib yig‘ib, zo‘rg‘a olganman. O‘shani birinchi Givga qo‘yib, ko‘zimda yosh bilan berib yuborganman. O‘shanda hali ko‘p pul topib, albatta Mercedes olaman, deb niyat qilganman. Hozirda bu mashinamni sotib, crossover olishni reja qilyapman.
Bizneslari
— Meni Instagram boqyapti. Pitssa ham yaxshi daromad olib keladi. Lekin undan tushgan pulni ishlatmayman. Chunki bu yil kamida 10 ta yangi filial ochmoqchiman. Bitta filial oyiga 5000 dan 10 ming dollargacha daromad olib keladi. Har bitta “tochka”ga 100 mingdan 150 minggacha pul sarflanadi. Shuning uchun pitssadan tushayotgan pulni uni o‘zini rivojlantirishga ishlataman. Pitssaxonalarda hozir 300 dan ortiq kishi ishlaydi.
Instagram’dan qancha topadi?
— Instagram’da bitta o‘zim reklama qiladigan bo‘lsam Stories 1000, lenta 3,500 dollar. Ayrimlar mahsulot reklamasiga Asal ham suratga tushishini so‘raydi. Unda bitta post narxi 6,500-7000 dollargacha oshadi, Stories ham qimmatroq bo‘ladi. Agar reklama syomkasida “Aristorkatlar”dan Diyor yoki Sarvar ishtirok etsa, narx yanada qimmatlashadi. Mana, masalan, jamoa bo‘lib olgan reklamamiz bor, Mediapark uchun ishlangan ushbu videoni 18 ming dollarga sotdik.
Ayoli qancha pul topadi?
— Asal Instagram’ga umuman qiziqmaydi. Uyda bola tarbiyasi bilan band. Lekin muxlislar Xo‘jayevlar oilasi vaynimizni so‘rashsa, birga ijod qilib turamiz. Asal topgan pulini o‘ziga ishlatadi. Kosmetikasiga yoki aylanishga sarflaydi. Mendan umuman pul so‘ramaydi. Oila xarajatlari mening zimmamda, lekin u hamma xarajatlariga o‘zi ishlab topadi. Masalan, yaqinda o‘ziga KIA K5 xarid qildi. Xotinim pulimni “shilmagani” uchun biznesim rivojlanyapti.
Givlar haqida
— Giv tanlovlar katta daromad olib keladi. Hozirgacha mendan boshqa hech kim 1 million obunachi to‘plab bermagan shou-biznesda. Buni maqtanish uchun aytmayapman. Men rostdan ham hammaga avtomobil berdim, viloyatlarga o‘zim borib topshirib keldim. Lekin so‘nggi paytlarda feyk akkuntlar ko‘payib ketgani uchun boshqa giv qilmaslikka qaror qildim. Bu juda ko‘p kuchni oladi.
Bir oyda qancha pul ishlatasiz?
— Daromadlarimning asosiy qismini sayohatga ishlataman, yaxshi ovqatlanaman, sog‘ligimga qarayman. Pulni o‘zimdan qizg‘anmayman. Topayotgan pulimga yarasha maza qilib yashayman.
Izoh (0)