“Mehridaryo” loyihasiga Farg‘ona viloyati, Bog‘dod tumanida yashovni Nargiza Mamadaliyeva murojaat qilib, ayni damda Hindistonda jarrohlik amaliyotiga tayyorlanayotgan turmush o‘rtog‘i Husniddin Mamadaliyev uchun xalqdan yordam so‘radi.
— Turmush o‘rtog‘im oxirgi bir yil davomida jigar sirrozi kasalligi bilan jiddiy kurashdi. Biz bu kasallikka chalinganini bilganimizda tanasida avj olib ulgurgan ekan. Faqatgina qorni va oyoqlari shishib belgi berganidan keyingina bu haqda bildik. Jigar kasallansa og‘riq bermas ekan.
Shifokorlar oxiri davolash besamar ekanini, Hindistonga borib jigar ko‘chirib o‘tish amaliyotini qildirish kerakligini aytdi.
Uch nafar qizim bor, qishloq sharoitidagi oddiy uyda turamiz. Turmush o‘rtog‘imga akasining o‘g‘li donar bo‘ladigan bo‘ldi, ular ham qo‘lidan kelgancha yordam beryapti. Hatto, uyini sotib, biznikiga ko‘chib o‘tdi. Uyning sotilgan 12 ming AQSH dollar pulini olib, tavakkal qilib Hindistonga ketishdi. Ammo bizga 32 ming AQSH dollari kerakligini aytishgan. Qarz so‘raydigan odamimiz yo‘q, buncha pulni hech kim berolmaydi. Bir donagina uyimiz bor, uni ham sotsak bola-chaqa bilan ko‘chada qolamiz.
Turmush o‘rtog‘im ham, donor ham operatsiyaga tayyor. Ammo mablag‘i yetarli bo‘lmagani uchun shifokorlar operatsiya qilishmayapti. Yaxshi insonlar sizlardan o‘tinib so‘rayman, qo‘lingizdan kelgan moddiy yordam bering. Turmush o‘rtog‘im sog‘ayib, hayotda qaytishini xohlayman, — deydi Nargiza Mamadaliyeva.
Bemor Husniddin Mamadaliyevga xayriya qilmoqchi bo‘lsangiz,
4073 4200 8167 0477 (Xusniddin Mamadaliyev)
Murojaat uchun: +998 90 851 12 81
Izoh (0)