“Navbahor”ning Jaloliddin Masharipov transferi bo‘yicha muzokaralari yakuniy pallaga yetdi

Namanganning “Navbahor” jamoasi Jaloliddin Masharipov transferi ustida ishlamoqda.

Bu haqida jamoa matbuot xizmati ma’lum qildi. Xabarga ko‘ra, Masharipov bilan muzokaralar yakuniy pallaga kelib qolgan.

Ushbu muzokara ijobiy yakun topsa, “Navbahor” mavzuni batamom yopadi va boshqa transfer ustida ish boshlaydi. Jamoaning hozir butun diqqati ushbu transferga qaratilgani aytilmoqda. 

Eslatib o‘tamiz, Masharipov 2023-yilning sentabr oyida Gretsiyaning “Panserraykos” jamoasi bilan shartnoma imzolagan edi. Gretsiya klubi safida Jaloliddin barcha musobaqalarda 8 ta o‘yinda ishtirok etib, 2 ta golli uzatmaga mualliflik qildi.

Undan oldin esa o‘zbekistonlik futbolc “An-Nassr”da Krishtianu Ronaldu bilan birga to‘p surgan.