Janubiy Koreya Shimoliy Koreyaga qarshi kuch ishlatsa, Pxenyan uni butunlay yo‘q qiladi, dedi Shimoliy Koreya yetakchisi Kim Chen In mudofaa zavodiga tashrifi chog‘ida. Uning so‘zlarini Koreya markaziy axborot agentligi (KCNA) keltirgan.
“Janubiy Koreya hukumati qariyb 80 yil davomida Shimoliy Koreya rejimi va tizimini ag‘darishga qaratilgan qarama-qarshilik siyosatiga amal qilib keldi”, — dedi KXDR rahbari.
Kim Chen In Pxenyan Janubiy Koreyani “dushman davlat” deb hisoblashini aytdi.
Uning so‘zlariga ko‘ra, Shimoliy Koreya “ushbu muqarrar voqelikni tan olishi” va tegishli javob berishi kerak. Uning fikricha, mamlakat o‘zining mudofaa va tiyib turish kuchlarini mustahkamlashga ustuvor ahamiyat berishi kerak.
“Biz Koreya Respublikasining mamlakatimizga qarshi kuch ishlatishga yoki suverenitetimiz va xavfsizligimizga xavf solishiga jur’at etishiga yo‘l qo‘ymaymiz”, — dedi Shimoliy Koreya rahbari.
U, hujum sodir bo‘lsa, ikkilanmasdan Janubiy Koreyani butunlay yo‘q qilish uchun mamlakatda mavjud bo‘lgan barcha vosita va kuchlarni safarbar qilishga tayyorligini aniq qilib ta’kidladi.
Avvalroq Kim Chen In armiyaga, agar AQSH va Janubiy Koreya tomonidan provokatsiyalar sodir bo‘lsa, ularni “butunlay yo‘q qilishga” tayyor bo‘lishni buyurgandi.
Izoh (0)