Avstriya Moliya vazirligi rahbari Magnus Brunner tezlikni oshirgani uchun to‘rt haftaga haydovchilik guvohnomasidan mahrum qilindi. Bu haqda Kurier nashri xabar bermoqda.
Vazir tezlik chegarasi 80 kilometr bo‘lgan hududda mashinani soatiga 130 kilometrdan ko‘proq tezlikda boshqargan. Hodisa 6-yanvar kuni sodir bo‘lgan.
Qayd etilishicha, vazirlik rahbari BMW 7 rusumli xizmat mashinasida shaxsiy uchrashuvga ketayotgan bo‘lgan. Yo‘l harakati politsiyasi Brunnerni Reyn vodiysi avtomagistralida (A14) Dornbirn—Zyud tutashuvi hududida to‘xtatgan.
Moliya vazirligi rahbari voqeadan afsusda ekanini aytdi.
Avval Yangi Zelandiya adliya vaziri yo‘l transport hodisasini sodir etganidan keyin iste’foga chiqqandi. Tibbiy ko‘rik davomida vazir mast holatda ekani aniqlangan.
Izoh (0)