O‘zbekistonliklarda qancha ko‘chmas mulk obyektlari borligi ochiqlandi

O‘zbekistonda fuqarolar egaligida qancha ko‘chmas mulk borligi ma’lum qilindi. Bu haqda Kadastr agentligi xabar berdi. 

Unga ko‘ra, 2024-yil 1-yanvar holatiga jismoniy va yuridik shaxslar egaligida 8 million 184 005 ta ko‘chmas mulk obyektlari mavjud. Shundan: 

• yakka tartibdagi turar joy obyektlari — 6 million 244 ming 155 ta;
• ko‘p qavatli uylardagi kvartiralar — 1 million 492 ming 818 ta; 
• noturar joy obyektlari — 601 ming 478 tani tashkil etadi. 

Qayd etilishicha, 2023-yilning shu davriga nisbatan solishtirganda o‘sish dinamikasi respublika bo‘yicha jami 154 446 ta ko‘chmas mulkni tashkil etadi. O‘sish dinamikasi bo‘yicha top uchtalikni quyidagi hududlar egalladi:

• Toshkent shahri — 24 525 ta
• Qoraqalpog‘iston Respublikasi — 15 549 ta
• Xorazm viloyati — 14 811 ta