Saudiyada transferlarga cheklov qo‘yilmoqda. Endi klublar yozdagidek yirik xaridlarni amalga oshirolmaydi

Saudiya klublari qishki transferlar oynasida yozdagidek yirik xaridlarni amalga oshira olmaydi.

Mamlakatning 4 ta asosiy klubini (“Al-Hilol”, “An-Nassr”, “Al-Ittihod” va “Al-Ahli”) moliyalashtiradigan Saudiya Arabistoni suveren fondi (PIF) transferlarga cheklov o‘rnatdi, deya xabar beradi AS.

Fondning qo‘llovisiz klublar katta xaridlarni amalga oshira olmaydi. Endilikda har bir klub yanvar oyida tarkibini kuchaytirish borasida o‘zi qaror qabul qiladi, lekin har qanday transfer bir nechta jiddiy talablar bajarilganidan so‘ng amalga oshirilishi mumkin bo‘ladi. 

Ma’lumot uchun, 2023-yilning yozida Saudiya Arabistoni jamoalari yangi futbolchilar uchun 875,4 million dollar sarflagan.