Demensiya kasalligidan aziyat chekayotgan amerikalik taniqli aktyor Bryus Uillisning oilasi joriy yil u uchun oxirgisi bo‘lishi mumkinligidan xavotirda.
Maʼlumotlarga ko‘ra, aktyorning ahvoli kundan kunga yomonlashib bormoqda. Endi u boshqa o‘qiy olmaydi va umuman gapira olmaydi ham. Oilasi uni qo‘llab-quvvatlash uchun u bilan ko‘proq vaqt o‘tkazishga harakat qilmoqda. Vaqti-vaqti bilan ijtimoiy tarmoqlarda uning sog‘lig‘i haqida maʼlumotlar ham berib borishyapti.
2022-yil mart oyida 68 yoshli afsonaviy aktyorga demensiya tufayli kelib chiqqan afaziya (nutq buzilishi) tashxisi qo‘yilgan edi. Shundan so‘ng aktyor faoliyatini yakunlashga qaror qilgandi. Keyinchalik Uillisning ahvoli yana ham yomonlashgan, hozir u yaqinlarini ham taniy olmaydi.
Avvalroq 68 yoshli Uillisning rafiqasi erida demensiya tashxisi qo‘yilganidan keyin yuragi og‘riy boshlaganini aytgandi. Ayol uzoq vaqt davomida qo‘llab-quvvatlovsiz qolganini va kasal odam bilan qanday yashashni bilmagani uchun o‘zini yolg‘iz his qilganini tan oldi. Uning so‘zlariga ko‘ra, u xuddi shunday vaziyatda bo‘lgan odamlar bilan muloqot qila boshlaganidan keyin hammasi o‘zgargan.
Izoh (0)