Isroil HAMASga qarshi urush rejasini o‘zgartiradi — CNN

Isroil Falastinning HAMAS harakatini butunlay yo‘q qilish rejalaridan voz kechadi va o‘z kuchlarini isroilliklarni garovga olinganlarni ozod qilishga yo‘naltiradi. Amerikaning CNN telekanaliga intervyu bergan ekspertlar shunday xulosaga keldi.

Britaniya Qirollik xalqaro munosabatlar institutining Yaqin Sharq va Shimoliy Afrika bo‘yicha ilmiy xodimi Bilol Y.Saab Isroilning HAMASni butunlay yo‘q qilish niyatini erishib bo‘lmaydigan maqsad deb atadi. 

“Isroil rahbariyati buni juda yaxshi tushunadi, ular maksimum HAMASning harbiy salohiyatini jiddiy ravishda zaiflashtira oladi”, — dedi Saab.

U “vaqtga qarshi poyga borligini” ta’kidladi. Mutaxassisning so‘zlariga ko‘ra, Isroil xalqaro norozilikni kuchaytirmasdan qancha vaqt urush olib borishi aniq emas. HAMAS rahbariyatini yo‘q qilish rejasi sezilarli natijalarga olib kelmasligi, chunki ular “qo‘mondonlarni osongina almashtira olishi” ta’kidlandi.

Isroil Demokratiya instituti rahbari va Knessetning “Kadima” partiyasidan sobiq deputati Yohanan Plesnerning ta’kidlashicha, isroillik garovga olinganlarning HAMAS asirligida qolayotgani Isroil bosh vaziri Binyamin Netanyaxuga kuchli siyosiy bosimni keltirib chiqarmoqda. G‘azo sektorida urush boshlanganidan beri bosh vazirning mamlakatdagi reytingi sezilarli darajada tushib ketgan.