Milliarder Ilon Mask giyohvandlikka ruju qo‘ygan, Tesla va SpaceX direktorlar kengashi bundan xavotirda. Bu haqda Wall Street Journal xabar berdi.
Xabarga ko‘ra, milliarder turli mamlakatlardagi yopiq tadbirlarda giyohvand moddalardan foydalanadi. 2018 va 2021-yillar oralig‘ida Ilon Mask bir nechta ziyofatlarda qatnashgan, unda ishtirokchilar smartfonlarni topshirgan va maxfiylik bo‘yicha hujjat imzolagan. Shu tariqa Mask Los-Anjelesdagi bunday ziyofatda LSD, Meksikada — gallyutsinogen qo‘ziqorinlar va Mayamida ketamin iste’mol qilgani aytilmoqda.
Milliarderning atrofidagi odamlar tadbirkor hali ham giyohvand moddalarni iste’mol qilishini ta’kidlamoqda. Ko‘pincha, u ketamin qabul qiladi, Maskning tibbiy retsepti bor. Uning doiralari esa bundan xavotirda, chunki ular taqiqlangan dorilar milliarderning o‘ziga va biznesiga zarar yetkazishi mumkin, deb hisoblaydi.
Ayni paytda oltita kompaniya, ko‘p milliard dollarlik investorlar aktivlari, o‘n minglab ish o‘rinlari va Amerika kosmik dasturining bir qismi Maskning holatiga bog‘liq.
Shu bilan birga, giyohvand moddalarni noqonuniy iste’mol qilish Mask kompaniyalari siyosatiga ziddir va 14 milliard dollarlik davlat shartnomalariga, biznesmenning obro‘si va mavqeyiga xavf tug‘dirishi mumkin. Milliarderning atrofidagilar uning tez-tez jahldor va beqaror xatti-harakatlarini namoyon etishiga odatlangan. Biroq so‘nggi bir necha yil ichida vaziyat yomonlashdi.
“Mask ba’zi nutqlarida o‘zini g‘alati tutgan, bema’ni gapirgan va nomaqbul hazillar qilgan”, — deyiladi xabarda.
2018-yilda tadbirkor Jo Roganning podkastida marixuana chekkan va bu Tesla aksiyalarining tushishiga olib kelgan. Shundan so‘ng NASA SpaceX’dan giyohvand moddalarsiz ishlash qonuniga rioya qilish bo‘yicha yozma kafolatlar talab qilgan. Boshqa shubhali epizodlar ham bo‘lgan, ammo hozirgacha investorlar bunga ko‘z yumgan.
Izoh (0)