Shimoliy Koreya 6-yanvar, shanba kuni Sariq dengiz tomon 60 ga yaqin artilleriya o‘qlarini otdi.
Bu haqda Janubiy Koreya Respublikasi Qurolli kuchlari shtab boshliqlari qo‘mitasi ma’lum qildi.
Eslatib o‘tamiz, avvalroq, 5-yanvar kuni Qo‘mita KXDR qirg‘oq artilleriyasi Sariq dengizda joylashgan Yeonpxyondo va Pangyongdo orollari tomon 200 dan ortiq snaryad otgani haqida xabar bergan edi.
Bunga javoban Janubiy Koreya qo‘shinlari Sariq dengizdagi orollarda o‘tkazilgan mashg‘ulotlar davomida 400 ga yaqin snaryad uchirgan.
- 2018-yil sentyabrida Shimoliy Koreya va Janubiy Koreya ikki davlat chegarasidagi qurolsizlantirilgan hudud yaqinida keng ko‘lamli artilleriya va dala o‘quv mashg‘ulotlarini to‘xtatishga, shuningdek, uning yaqinida harbiy samolyotlar parvozini cheklashga kelishib olgandi. Mamlakatlar o‘rtasidagi kelishuv Sariq dengizda harbiy-dengiz mashqlari o‘tkazilmaydigan bufer zonani yaratishni nazarda tutgan.
- 2023-yilning noyabrida Shimoliy Koreya Seulni “provokatsion manyovrlarda” ayblab, kelishuvni bekor qildi.
Izoh (0)