“Mehridaryo” loyihasiga Surxondaryo viloyati, Oltinsoy tumanida yashovchi Nizomiddin Jumayev murojaat qilib, yurak nuqsoni bilan tug‘ilgan o‘g‘lining operatsiyasi uchun xalqdan yordam so‘radi.
— O‘g‘lim Muhammadali Abduraimov tug‘ma yurak nuqsoni bilan tug‘ilgan. Uch yoshida Toshkentda 75 mln so‘mga operatsiya qildirdim. Ammo shifokorlar operatsiya muvaffaqiyatsiz o‘tganini aytyapti. O‘zim dehqonchilik bilan shug‘ullanaman, avvalgi operatsiyasida ham tanish-bilishlardan qarz olishga majbur bo‘lganman. Toshkentlik shifokorlar qayta operatsiya qilsak, natijasiga javob berolmaymiz, deyishdi. Shu bois, ularning maslahati bilan Hindistonga olib bormoqchimiz. U yerdagi operatsiya xarajatlari 6 500 AQSH dollari ekan. Bundan tashqari, yo‘l va mehmonxona xarajatlari ham bor. Hozir qo‘limda 3 000 AQSH dollari bor, qolganiga qo‘limiz kaltalik qilayapti.
Olti yosh bolaning yuragidagi og‘riqlar nihoyatda kuchli, tez charchab qoladi, hamma bolalar singari bemalol o‘ynab-kulolmaydi.
Erkak kishi uchun yordam so‘rash, dardini birovga aytish qanchalik og‘ir ekanini bilasiz. Ammo ilojsizman, bolamni tezda operatsiya qildirmasak, uning ahvoli yanada og‘irlashishi mumkin. Agar imkonim bo‘lganida hech kimdan yordam so‘ramasdim, — deydi bemorning otasi Nizomiddin Jumayev.
Muhammadali Abdiraimovga xayriya qilishni istasangiz,
9860 0803 5208 9884
8600 0610 0623 7233
Yoldosheva Zebiniso (onasi)
Izoh (0)