1977-yilda vafot etgan amerikalik taniqli xonanda Elvis Presli yana sahnaga qaytadi. Shou konserti 2024-yilning noyabr oyida Londonda tashkil qilinadi. Shuningdek, Las-Vegas, Berlin va Tokioda ham namoyish etilishi rejalashtirilgan.
Uning minglab shaxsiy fotosuratlari va uy videolaridan foydalanib, sunʼiy intellekt, sensorli effektlar va gologramma proyeksiyalari yordamida bunday natijaga erishilgani aytilmoqda.
Tashkilotchilarning taʼkidlashicha, Presli shousi ajoyib konsert tajribasi bo‘lib xizmat qiladi. Unda raqamlashtirilgan Elvis birinchi marta sahnada musiqa tarixidagi ramziy lahzalarni namoyish etadi.
Izoh (0)