Jogorku Kenesh “Qirg‘iziston Respublikasining davlat ramzlari to‘g‘risidagi qonunga o‘zgartishlar kiritish haqida”gi qonun loyihasini jamoatchilik muhokamasiga taqdim etdi. Bu haqda AKIpress xabar berdi.
Qonun loyihasi tashabbuskori — deputat Meykinbek Abdaliyev (“Ata-Jurt Qirg‘iziston” partiyasidan). Muallifning fikricha, qonunga o‘zgartirish kiritishdan maqsad fuqarolarda Qirg‘iziston davlat ramzlariga hurmatli munosabatni shakllantirish va qonunda belgilangan tartibda to‘g‘ri qo‘llashdan iborat.
Unga ko‘ra, Qirg‘iziston fuqarolari va respublika hududidagi shaxslar davlat ramzlarini hurmat qilishlari shart. Davlat bayrog‘i, davlat gerbi va madhiyasini kamsitishda aybdor bo‘lgan shaxslar qonun hujjatlariga muvofiq javobgar bo‘ladi.
“Ammo bu qonun-qoidalarga har doim ham amal qilinavermaydi. So‘nggi paytlarda kiyim-kechakning turli qismlariga, jumladan, ichki kiyim va paypoqlarga davlat ramzlari tasvirlarini qo‘llash holatlari kuzatilmoqda, bu esa davlat ramzlarining ahamiyatini past baholaydi hamda ularga nisbatan hurmatsizlikdan dalolat beradi.
Bundan tashqari, jismoniy va yuridik shaxslarning davlat organlariga tegishli bo‘lmagan vizit kartochkalariga davlat ramzlari tasvirlarini joylashtirish hollari ko‘payib, boshqa shaxslar tomonidan chalkashliklarga sabab bo‘lmoqda. Jismoniy va yuridik shaxslarning ijtimoiy tarmoqlardagi shaxsiy akkauntlari va tijorat saytlarida davlat ramzlari tasvirlarini joylashtirish ijtimoiy tarmoqlarning boshqa foydalanuvchilarini ham chalg‘itadi”, — deydi u.
Abdaliev davlat ramzlari davlat suverenitetining eng muhim atributlari ekanini, shuning uchun ham undan foydalanishda muayyan cheklovlar (qat’iy qonunchilik darajasida) o‘rnatish zarurligini ta’kidladi.
Shunday qilib, “Davlat ramzlari to‘g‘risida”gi qonunga 9-1-modda birinchi qismining to‘rtinchi va beshinchi xatboshilarini quyidagilar bilan to‘ldirish taklif etilmoqda:
- “— davlat ramzlari tasvirlarini qo‘llashni taqiqlash qo‘llanadigan mahsulotlar (tovarlar) ro‘yxati”.
- “Ro‘yxat Vazirlar Mahkamasi tomonidan belgilanadi”.
Izoh (0)