Ijtimoiy tarmoqlarda Toshkentning Mirzo Ulug‘bek tumanidagi maktab hududida erkak kishi o‘zini osgani haqida xabarlar tarqaldi.
Tuman hokimligi matbuot xizmatining ma’lum qilishicha, 248-sonli umumtaʼlim maktabi hududidagi holat bo‘yicha hozirda tuman prokuraturasi tomonidan tergovga qadar tekshiruv ishlari olib borilmoqda.
Bosh prokuratura axborot xizmati rahbari Hayot Shamsutdinov “Daryo”ga bergan ma’lumotga ko‘ra, 28-dekabr kuni soat taxminan 07:45 da 1992-yilda tug‘ilgan erkak ushbu maktab orqa tomonidagi daraxtga o‘zini osib, joniga qasd qilgan.
Aniqlanishicha, marhum ruhiy asab kasalliklari dispanserida ro‘yxatda turgan, muqaddam bir necha marotaba o‘z joniga suiqasd qilgan.