O‘zbekiston futbol federatsiyasi vitse-prezidenti, sobiq futbolchi Odil Ahmedov nima uchun Yevropa emas Xitoyni tanlagani haqida gapirib o‘tdi.
— Qanday qilib Xitoyga borib qoldingiz?
— 2016/17-yilgi mavsum qishda menda ikkita variant bor edi: “Nitssa” menga kichik maosh taklif qildi, “Shanxay”da esa umuman boshqacha imkoniyatlar bor edi. Deyarli 30 ga kirgandim, shuning uchun Xitoyni tanladim.
— 2011 va 2013 yillarda Yevropani orzu qilardingiz, 2017-yilda esa Xitoy. Nima o‘zgargandi?
— 24—26 yoshimda Yevropaga borgan bo‘lardim, 29 yoshda esa prioritetlar boshqacha bo‘ladi. Xitoy juda kuchli futbolchilarni yig‘ayotgandi, Osiyo jamoasiga o‘tishimning boshqa bir sababi ham shu edi.
— “Krasnodar”da deyarli 2 million yevro maosh olardingiz. Xitoyda necha baravar yuqori edi?
— 2 baravar.
— “Ahmedov futbolni emas pullarni tanladi”. Siz bu gapga qanday qaraysiz?
— O‘zbekistonda ham shunday yozishgandi. Bir narsaga ishonaman, shunday gapirganlarning o‘zi ham bunday taklifga rozi bo‘lgan bo‘lardi. Avval Xitoy edi, hozir esa Saudiya.
Eslatib o‘tamiz, Odil Ahmedov 2017-yildan 2020-yilga qadar “Shanxay” jamoasi sharafini himoya qilgan edi.
Izoh (0)