Toshkentdagi xonadonda yuz bergan yong‘inda ayol va uning ikki qizi halok bo‘ldi. Bu haqda “Daryo”ga Bosh prokuratura axborot xizmati rahbari Hayot Shamsutdinov maʼlum qildi.
Voqea Yashnobod tumanidagi xonadonlarning birida 18-dekabr kuni yuz bergan, holat aks etgan video ijtimoiy tarmoqlarda tarqalgandi.
Ma’lum bo‘lishicha, ushbu yong‘indan 28 yoshli ayol hamda 8 va 5 yoshdagi ikki qiz vafot etdi. Holat yuzasidan Jinoyat kodeksining 259-moddasi (yong‘in xavfsizligi qoidalarini buzish) bilan jinoyat ishi qo‘zg‘atilgan.
Ushbu yong‘in haqida FVV va FVB hozircha hech qanday ma’lumot e’lon qilmadi.
Izoh (0)