Xavflarni baholash bo‘yicha International SOS firmasi xavfli va xavfsiz mamlakatlar borasida tadqiqotini e’lon qildi. Natijalar interaktiv xaritada taqdim etildi.
Xaritada yashil — xavfsiz, sariq — xavf darajasi past, to‘q sariq — o‘rtacha, qizil — xavfli, to‘q qizil — o‘ta xavfli davlatlar sirasiga kiradi. Shunday qilib, 2024-yilda sayohat qilish uchun eng xavfsiz davlatlar qatoridan Islandiya, Grenlandiya, Norvegiya, Finlyandiya, Daniya, Lyuksemburg, Shveysariya va Sloveniya joy oldi.
Xavfli davlatlar qatoriga Janubiy Sudan, Markaziy Afrika Respublikasi, Somali, Liviya, Yaman, Suriya, Iroq, Afg‘oniston va Ukraina kirdi. Markaziy Osiyo davlatlari orasida faqat O‘zbekiston sayohat qilishda xavf darajasi past bo‘lgan davlatga kirdi, Qozog‘iston, Tojikiston, Turkmaniston, Qirg‘iziston xavf darajasi o‘rtacha bo‘lgan mamlakatlar deb topildi.
Buni aniqlashda mamlakatlarning xavfsizlik darajasi, ijtimoiy tartibsizliklar, katta va kichik jinoyatlar inobatga olindi.
Izoh (0)