Prezident boshchiligidagi ishlab chiqarishni yanada kengaytirish va xizmatlarni rivojlantirishga bag‘ishlangan yig‘ilish kun tartibidagi ikkinchi masala xizmat ko‘rsatish va turizm imkoniyatlarini yanada kengaytirish bo‘ldi, deb xabar bermoqda Prezident matbuot xizmati.
Davlat rahbari bu yil iqtisodiyotda xizmatlar ulushi 43,5 foizga yetishi kutilayotgani, lekin bu yetarli emasligini ta’kidladi. O‘tgan 11 oyda 421 trillion so‘mlik xizmatlar ko‘rsatilgan. Bu o‘tgan yilga nisbatan 13,6 foiz ko‘p, xolos.
Ayniqsa, Guliston, Nurafshon, Yangiyer, Yangiyo‘l, Termiz, Xonobod, Nukus, Ohangaron va Chirchiq shaharlarida o‘sish 10 foizdan kam, Peshku, Uchko‘prik, Asaka va Piskent tumanlarida 4 foiz ham bo‘lmadi.
Sohalar kesimida tahlil qilganda, bugungi kunda moliya, transport, savdo, turizm, ta’lim, tibbiyot va IT jami xizmatlar hajmining 85 foizini beryapti.
Izoh (0)