Surxondaryo viloyati Boysun tumanida yuk mashinasi urib yuborgan 4 yoshli bola halok bo‘ldi. Bu haqda viloyat IIB YHXB axborot xizmati xabar berdi.
Keltirilishicha, holat M-39 Toshkent—Termiz avtomobil yo‘lining Boysun tumani “Chilonzor” mahallasidan o‘tgan qismida sodir bo‘lgan. 4-dekabr kuni Boysun tumanidagi 45-maktabning 2-sinf o‘quvchisi bo‘lgan qizcha 4 yoshli ukasini bog‘chadan olib qaytayotganda yo‘lning belgilanmagan joyidan, beton to‘siq ustidan o‘tkazib qo‘ygan. Bola opasini kutmasdan yo‘lning qatnov qismidan yugurib o‘tgan. To‘satdan yuz bergan vaziyatda to‘xtashga ulgurmagan yuk mashinasi esa bolani urib yuborgan.
Oqibatda voyaga yetmagan 4 yoshli bolakay vafot etgan.
Izoh (0)