Toshkentdagi maktabda 8-sinf o‘quvchisi tok urib vafot etishi ortidan ushbu maktab direktori o‘rinbosari qamoqqa olindi. Bu haqda “Daryo”ga Bosh prokuratura axborot xizmati rahbari Hayot Shamsutdinov ma’lum qildi.
27-noyabr kuni Mirzo Ulug‘bek tumanidagi 99-sonli umumtaʼlim maktabi 8-sinf o‘quvchisi A.A. maktab hovlisidagi sport maydonidan chiqib ketayotganida tobi qochgan va hushidan ketgandi. STEning dastlabki xulosasiga ko‘ra, bolaning o‘limi elektr jarohati, elektr toki yoyidan zaharlanish, o‘tkir nafas yurak-qon tomir yetishmovchiligi, bosh miya va o‘pka shishi, chap qo‘l kaft sohasi elektr tamg‘asi natijasida yuz bergan.
Holat yuzasidan Jinoyat kodeksining 186 (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) va 207 (mansabga sovuqqonlik bilan qarash) moddalari bilan jinoyat ishi qo‘zg‘atilgandi.
Maktabning xo‘jalik ishlari bo‘yicha direktor o‘rinbosariga Jinoyat kodeksining 207-moddasi 3-qismi “a” bandi va boshqa moddalari bilan ayblov e’lon qilinib, qamoqqa olish tarzidagi ehtiyot chorasi qo‘llanilgan.
Izoh (0)