Toshkent viloyatining Chirchiq shahridagi ko‘p qavatli uylar markazlashgan issiqlik tizimiga ulanib, “otopleniye” yoqilgani sabab xonadonlarni suv bosgani xabar berilgandi. Shahar hokimligining rasmiy munosabat bildirishicha, muammoni o‘rganish uchun shahar hokimi, prokurori va deputat suv bosgani aytilgan xonadonlarga borgan.
Shuni ma’lum qilamizki, Chirchiq shahri hokimi Davron Hidoyatov, shahar prokurori va Xalq deputatlari shahar kengashi deputati Jahongir To‘laganovlar ushbu murojaatni joyiga chiqib o‘rgandi. Xonadonlarning tepa qavatlarida jo‘mrak ochilib qolgani sababli suv o‘tgan. Barcha suv o‘tgan joylari ta’mirlanib beriladi, — deyiladi hokimlikning bu haqdagi murojaatga javobida.
Videotasvirlardan ma’lum bo‘lishicha, deputat bilan suhbatlashgan quruvchi issiqlik tizimiga ulangan xonadonlarning biridagi truba jo‘mragi ochiq qolganini, issiq suv yoqilgan paytda shu jo‘mrakdan suv oqib, xonadonlarni suv bosganini bildirgan.
O‘n uch kvadrat joy ekan (suvdan zararlangan hudud) men 30 kvadrat joyni, xonani yuz foiz ta'mirlab berdim, — deydi quruvchi ekanini aytgan suhbatdosh.
Video davomida suvdan zararlangan yana bir xonadon quruvchi tomonidan ta’mirlab berilgani aytiladi.
Izoh (0)