Qozog‘istonda 9-dekabr kuni sovuq tufayli yo‘lda qolib ketgan avtobusdan 28 kishi evakuatsiya qilindi. Bu haqda Kazinform xabar berdi.
Ma’lum qilinishicha, avtobus noqulay ob-havo sababli Oqmola viloyatida, Ostona—Petropavlovsk avtomobil yo‘lining nazorat-o‘tkazish punktida to‘xtab qolgan. Evakuatsiya qilinganlarning 26 nafari Tojikiston, ikki nafar O‘zbekiston fuqarolari bo‘lgan.
Yo‘lovchilardan birining aytishicha, fuqarolar avtobusda 3 soatdan ortiq to‘xtab qolgan. Ular Kokshetau shahridagi isinish punktiga olib kelinib, ovqat va yotoq bilan ta’minlangan.
Izoh (0)