HAMAS yetakchisi Yahyo Sinvar gumanitar karvonda G‘azo sektori shimolidan chiqib ketdi. Bu haqda Isroil rasmiylari bayonotiga tayanib, Bild xabar berdi.
Taxminlarga ko‘ra, u hozir sektor janubidagi Xon Yunis shahrida joylashgan. Sinvar tinch aholi uchun ochilgan gumanitar koridor orqali shimoldan chiqib ketgani aytilmoqda. HAMAS siyosiy rahbariyati Qatarda joylashgan, biroq Sinvar guruhdagi eng qudratli shaxs sanaladi.
Sinvar 20 yildan ko‘proq vaqt davomida Isroil qamoqxonalarida bo‘lgan va 2011-yilda ozod qilingan. O‘shanda Isroil bir nafar askari evaziga mingdan ortiq falastinlik mahbusni ozod qilgandi.
Sinvar qamoqxonada ibroniy tilini, Isroil tarixi va isroillik siyosatchilarning tarjimai hollarini o‘rgangan. U bizni juda yaxshi biladi, — deydi ismi keltirilmagan qamoqxonaning sobiq xodimi. U hozirda razvedkachi sifatida faoliyat olib boradi.
Izoh (0)