Futbol bo‘yicha Germaniya Bundesligasining 14-turida “Bavariya” va “Ayntraxt” 9-dekabr, shanba kuni o‘zaro bahs olib bordi.
Uchrashuvning 12-daqiqasida Omar Marmush hisobni ochdi. 31-daqiqada Junior Dina-Ebimbe “Ayntraxt”ning ikkinchi goliga mualliflik qildi. Oradan 5 daqiqa o‘tib, Hyugo Larsson hisobni yiriklashtirdi. Birinchi bo‘lim so‘ngida Joshua Kimmix hisobni qisqartirdi.
Ikkinchi bo‘limda “Ayntraxt” gollar shousini davom ettirdi. 50-daqiqada Dina-Ebimbe dublni rasmiylashtirdi. 60-daqiqada Ansgar Knauff o‘z nomini tabloga yozdirib qo‘ydi.
Qolgan daqiqalarda darvozalar ishg‘ol etilmadi va myunxenliklar yirik hisobda mag‘lub bo‘ldi.
“Ayntraxt” ushbu g‘alabadan so‘ng ochkolari sonini 21 taga yetkazdi va 7-o‘ringa ko‘tarilib oldi. Myunxenliklar esa 32 ochko bilan 2-o‘rinda bormoqda.
Bundesliga
14-tur bahsi
9-dekabr, shanba
“Ayntraxt” – “Bavariya” 5:1
Gollar: 1:0 – 12 Marmush, 2:0 – 31 Dina-Ebimbe, 3:0 – 36 Larsson, 3:1 – 44 Kimmix, 4:1 – 50 Dina-Ebimbe, 5:1 – 60 Knauff.
“Ayntraxt”: Trapp, Buta, Kox, Tuta, Pacho, Dina-Ebimbe (Nkunku, 76), Getse, Larsson, Shaibi, Knauff, Marmush.
“Bavariya”: Noyer, Mazraui (Laymer, 46), Upamekano, Kim Min Chje, Devis (Gerreyru, 46), Goretska, Kimmix, Koman (Gnabri, 66; Musiala, 71), Sane, Shupo-Moting (Myuller, 66), Keyn.
Ogohlantirishlar: Kim Min Chje (23), Marmush (67), Sane (71).
Izoh (0)