Futbol bo‘yicha Italiya A Seriyasining 15-turidan o‘rin olgan o‘yinda “Milan” 9-dekabr, shanba kuni “Atalanta” mehmoni bo‘ldi.
Uchrashuvning 38-daqiqasida Ademola Lukman hisobni ochdi. Birinchi bo‘lim oxirida Olivye Jiru hisobni tenglashtirdi.
55-daqiqada Lukman dublni rasmiylashtirdi. 80-daqiqada Luka Yovich muvozanatni tikladi. Hakam qo‘shib bergan daqiqalarda esa Luis Muriel “Atalanta”ga g‘alaba keltiruvchi gol muallifiga aylandi.
Milanliklar ushbu mag‘lubiyatdan so‘ng 29 ochko bilan 3-o‘rinda qoldi.
A Seriya
15-tur bahsi
9-dekabr, shanba
“Atalanta” – “Milan” 3:2
Gollar: 1:0 – 38 Lukman, 1:1 – 45 Jiru, 2:1 – 55 Lukman, 2:2 – 80 Yovich, 3:2 — 90+5 Muriel.
“Atalanta”: Musso, Zappakosta, Jimshiti, Skalvini, de Ron, Rudjeri, Pashalich (Adopo, 87), Kopmeyners, Ederson, de Ketelare (Muriel, 82), Lukman (Miranchuk, 82).
“Milan”: Menyan, Kalabriya, Tomori, Ernandes, Florensi, Adli, Loftus-Chik (Yovich, 72), Reynders, Musa, Pulishich, Chukvueze (Bennaser, 59), Jiru.
Ogohlantirishlar: Reynders (71), Ederson (72), Kalabriya (81), Yovich (88).
Chetlatish: Kalabriya (90+3).
Izoh (0)